話說。。。

我家老闆尋晚返來，自己好乖洗飯盒😢
⬆️平時佢係睇準時機...

話說。。。

我家老闆尋晚返來，自己好乖洗飯盒😢
⬆️平時佢係睇準時機喺我身邊慢慢拆出黎，
再等我洗鑊或其他嘢時一嘢扔落黎叫我順手洗埋。。。

見我忙煮飯之時，幫我洗埋其他嘢😢
⬆️平時佢攤梳化玩住電話等食飯，喺我叫幫手時佢只叫兩個女去攪，就算兩個女做緊功課zoom class緊，佢都好有耐性咁「等」兩個女去幫我手，自己繼續攤屍梳化

到我坐埋枱食飯時，個冷氣居然無熄到呀😱
⬆️我一星期嘈足七次，話我煮完飯好L熱你地唔好熄我冷氣，你凍就自己著件褸先食飯，但有條友話啲風係咁吹會頭痛食唔到飯

到咗夜晚，佢仲唔使我踢同哦佢，居然識得早啲去沖涼😱😱
⬆️平時我要不停哦，哦到我自己都嫌自己煩，佢先死死地氣入房，跟住過一陣我一開房門佢仲係完封不動咁攤喺床玩住電話仲未沖涼，到深宵我就快瞓著時佢就開天花燈搵衫話沖涼。。。

所以，我今日整個做節飯盒佢🥲

#祝中秋節平安

---